MPFHARHUTO VUVABYI BYA SWINDZOMUNDZOMU
Xifundzankulu xa Limpopo xi hlanganile na ntungwana wa Vuvabyi bya Swindzomundzomu (FMD)
Xana FMD i ncini?
Vuvabyi bya Swindzomundzomu i vuvabyi byo hangalaka lebyi vangaka swilondzo kumbe ku handzukela ka milomu na milenge (swinyondzwana) swa swifuwo (ngongopfu swa tihomu, tinguluve, timbuti na tinyimpfu).
Xana u byi vonisa ku yini?
Vuvabyi byi nga voniwa hi ku huma rihlakahla na ku tikeriwa ku famba (khwita).
Xana byi nga khoma vanhu ke?
FMD a BYI khomi kumbe ku vanga vuvabyi eka vanhu. Nyama yi nga ha dyiwa ya swiharhi leswi khomiweke hi FMD.
Xana u nga endla yini?
Loko u vona swikombiso leswi boxiweke, xikan’wekan’we tivisa vaofisiri eka Ndzawulo ya Vurimi na Nhluvukiso wa Matikoxikaya na ku lawula mafambelofambelo ya swifuwo.
Malawulelo ya mafambelo
Mafambelo ku suka eka tindhawu leti khumbekaka laha vuvabyi byi nga sungula kona ya yimisiwile/ yirisiwa.
Ku lawula na ku sivela
Tiyisisa leswaku tihomu ta wena ta tlhaveriwa eka tindhawu leti tlhavelo wu lavekaka.
Lava nga ta kumeka va tleketla (byisa) tihomu swi nga ri enawini kumbe handle ka pfumelelo wa dokodela wa swiharhi va ta sengisiwa.
Miganga yi hlohloteriwa ku vika lava tlulaka swinawana swa matleketlelo/byiselo kumbe mafambiselo ya swiharhi.
SWIKOMBETO SWA VUVABYI BYA SWINDZOMUNDZOMU
- Marhukubya na swilondza enon’wini (maxinin milomo, na ririmi) swi endla xifuwo xi tikeriwa ku dya naswona hi xitalo swi va nga ku phopha rihlakahla.
- Marhukubya na swilondza exikarhi ka swinyondzwana na laha swinyondzwana swi hlanganaka na nyama, swi nga endla xifuwo xi khwita na ku hluleka ku rhendzeleka. Mikarhi yin’wana min’wala kumbe swinyodzwana swa tlomuka.
- Tihomu ti nga huma swilondza emaveleni ya tona. Leswi hungutaka mahumelo ya meleka wa tona.
Tanihi Ndzawulo na Vativi va Madokodela ya swifuwo, hi kotile ku lawula vuvabyi na ku yisa emahlweni ku sivela vuvabyi hi tlhavelo na ku lawula mafambiselo ya swifuwo.
Xikhenso
Hi lava ku khensa varimivafuwi hinkwavo na miganga leyi landzelelaka na ku seketela ku lwisana na ku hangalaka ka Vuvabyi bya Swindzomundzomu.
Ku kuma vuxokoxoko hi xitalo, u komberiwa ku endzela eka tihofisi ta le kusuhana na le ka n’wina kumbe u foyinela Madokodela ya swifuwo eka swifundzantsongo leswi landzela;
Xifundzankulu xa Vhembe – 066 079 4597 Dr Tambudzani Rhangani
Xifundzankulu xa Mopani – 072 553 0122 Dr KB Mohlabe / 066 079 4201 Dr Vonani Mashau
Xifundzankulu xa Sekhukhune – 082 681 7259 Dr Charmaine Nemulodi
Xifundzankulu xa Capricorn – 060 978 2317 Dr Nthabiseng Mashigo
Xifundzankulu xa Waterberg – 082 936 2121 Dr Kgabo Letsoalo
